આજ સુંદર છે ..

તસ્વીરોનું આલ્બમ એક ગજબની ડાયરી છે !!!

ત્યાં સમય અદબ વાળીને સ્થિર થઇને બેઠેલો છે ,

એજ રંગ એજ રૂપ કશું પણ બદલ્યા વગરનો ....

બસ સ્થિર એક સાધુ શો જેને કશું અડકતું નથી 

બસ યાદ કરાવતો  રહે છે જો આ હતી ખુશીની ક્ષણ !!!!

થંભી ગયેલો સમય આંખના અશ્રુબિંદુ થંભાવી શકતો નથી ,

એ પેલી સંતાયેલી સ્મિતની રેખા રોકી નથી રાખતો .....

મારા દિલને એ કહે છે આલ્બમ કે ...

વીતેલા સમય પર રડ  નહિ ,

બસ એક જ વાત છે કે જયારે એ સમય હતો વર્તમાન તારો 

ત્યારે પણ ભૂતકાળની ભૂતાવળમાં હતી તેથી પારખ્યો નહીં ,

આજે અનમોલ ક્ષણ છે જે એમાં તને કિંમત અંકાય છે ...

ચલ આજથી આજ માં જીવવાનું શરુ કર ....

આ તસ્વીર તો સુંદર છે એનાથી બેહતર તો તું આજે છે .....

કરચલીમાં કરમાઈ નથી એ અનુભવોના સુંદર ચિત્રો છે !!!

કાલની તસ્વીરોમાંથી નીરુપાયેલી આજ સુંદર છે ..

ખુબ સુંદર ...!!!