ખરી પડેલા પાંદડાને હાથમાં લઇ જોયું ,
સુકું હતું ...
બિલકુલ એવું જ મારી ડાયરીમાં મુકેલા
પીપળાના પાન જેવું ....
મારી ડાયરીની મૌસમ બદલાતી રહે શબ્દોમાં ,
પણ આ પાન તો મૌસમનો અનુભવ હતું .....
હજી મૌસમની નિશાનીઓ બાકી હતી એના પોત પર ....
યાદો ડાળીની બાકી હતી ,
અને પક્ષીનો કલરવ પણ ઘૂંટાયેલો હતો ....
એક વિરહ એક જીવનનો અંત હોય એની તડપ હતી ....
શું કરું ??
એને હાથમાં લઇ લઉં કે એમ જ છોડી દઉં ??
કશ્મકશ હતી મને ...!!!
ત્યાંતો
હવાની લહેરખી એને મારા હાથથી છીનવી ગયી ...
એ માટી પર પડ્યું ..
થોડી વારે એક કબુતર આવીને
ચાંચમાં ઝાલી એને લઇ ગયું ...
એના માળાના સર્જન માટે ...
એક નવસર્જન માટે એક પાનનો ઉપયોગ !!!
કુદરતનો જ નિયમ છે ને આ !!!
બસ હું ભૂલી ગયી હતી ક્ષણભર માટે !!!
No comments:
Post a Comment