બહુ બદમાશ છે આ ઉનાળો ,
ગરમાળાના ઝાડ પર હીંચકા ખાતો ઉનાળો ,
ગુલમહોર થઇ તડકા જોડે લડતો ઉનાળો ,
આંબા પર કેરીની લૂમ બની ઝૂલતો ઉનાળો .....
સૂરજને બેશરમ બનાવતો ઉનાળો ,
રાતને કાપી નાની બનાવતો ઉનાળો ,
દિવસને ખેંચી ખેંચી લાંબો કરતો ઉનાળો ,
વૈશાખી વાયરા સાથે પકડદાવ રમતો ઉનાળો ....
કેરી ને રસ રોટલીથી પેટ ભરતો ઉનાળો ,
આખો દહાડો ઓરડામાં ભરાઈને રાતે ફરવા જવા દેતો ઉનાળો
મસ્ત મજાના બરફના ગોળાને ચુંબન કરાવતો ઉનાળો ,
આઈસક્રીમના કપ માંહે ફ્રીઝમાં થીજી જાતો ઉનાળો ......
ઠંડા પાણીના નદી નાળા સાથે પ્રેમ કરાવતો ઉનાળો ,
બાથરૂમમાં પણ ફુવારો બની ડોલાવતો ઉનાળો ,
કોયલની હુક થી ઉઠાડતો ઉનાળો ,
છતાય સવારે મોડે સુધી પથારીમાં ગોંધી રાખતો ઉનાળો ....
બહુ બદમાશ છે આ ઉનાળો ....
No comments:
Post a Comment