કહી દો આ સ્વપ્ન નથી .....

ક્યાં જાણતા હતા આપણે 

કિસ્મતની કોઈ રેખા પર ચાલતા ચાલતા 

એક દિવસ હથેળી પર ફરી ભેગા થવાશે ???

લખાઈ જવાશે એક નામ બની !!!

ક્યાંક જોયેલું એક શમણું 

ક્યાંક અચાનક આવેલો એક વિચાર 

ક્યાંક ધડકી ગયેલું હૃદય 

ક્યાંક ખોવાઈ ગયેલું મન 

ક્યાંક ચમકી ને ઓઝલ થયેલી એક તસ્વીર 

ક્યાંક હસી ઉઠેલો મનના પટ પર એક ચેહરો 

બસ આજે બધું હથેળી પર દેખાતું હતું .....

એજ ચેહરો ,એજ તસ્વીર ,

જેણે શમણામાં દીધેલો સાદ 

જેનો એક વાર આવેલો વિચાર 

જે વિચારે જોરથી ધડકતું હતું હૃદય 

જેણે ખોઈ નાખેલું મનનું સરનામું .........

મારો હાથ સ્પર્શીને કહી દો એ રેખાને 

કહી દો આ સ્વપ્ન નથી .....