ટેરવા પર બેઠેલું ...

પ્રેમને પુસ્તકોમાં શોધ્યો ,

પ્રેમને વ્યાખ્યાઓમાં શોધ્યો ,

પ્રેમને વિવિધ ભાષાઓમાં શોધ્યો ,

જયારે એ ના મળ્યો કશે ત્યારે 

આ આંખોમાંથી આંસુ વહી ગયા અનાયાસે ,

એ તો આંસુઓમાં છુપાઈને બેસી રહ્યો હતો ......

ક્યારેક મનને પૂછવું પડે છે 

આ ખુશી અને દર્દના સંબંધ શું છે ???

આ ખુશી અને દર્દ જીવનના સિક્કાની બે બાજુઓ કેમ છે ??

આ ખુશી અને દર્દ વગર જીવન ફિક્કું કેમ છે ???

આ ખુશી અને દર્દ વગર કોઈ અધૂરું કેમ છે ????

એ જવાબ અનાયાસે આંખથી વહીને 

આંગળીથી લૂછાઈને 

ટેરવા પર બેઠેલું 

સુરજની એક કિરણને પોતામાં સમાઈને 

નાનકડું મેઘધનુષ રચેલું જેણે...

એક અશ્રુબિંદુ 

તમામ જવાબો આપીને સરી ગયું .....