ગીલોલે ઉડાડે પંખીડા

ધીરા પગલે ઝાંઝરીના ઝણકારે
મલપતી ચાલે ,ઘેરો ઘૂંઘટ તાણી,
માથે હેલ ધરી ચાલી ગોરી પાણી ભરવા ,
ગાવલડી ચારતા ,બંસી વગાડે બાલુડા
યાદ આવે ક્યાં છુપાયો રે કાન ???
છાણના લીપણ, ઘંટીના દળવા સાથે
ભળી જતો મંદિરની ઘંટડીનો તાલ ....
ચૂલ્હે શેકાતો ઓલો બાજરીનો રોટલો ,
તાઝી દોહેલી ભેંસના દૂધનો ગલાસ ,
તેજે ચમકતી ચેહરાની રેખાઓ પરસેવો વહાવી ખાસ ,
ચીન્ચુડે અવાજે વાગતો કોસ ,
બળદના ગળે ઘંટી સાંભળી થતા ખાસ ....
દોડે બાળપણ ઉઘાડ પગે ને તોડે મરવા આંબલીયા ડાળ,
ગીલોલે ઉડાડે પંખીડા ને
ચાડીયા પણ હસીને કહે જુઓ
અમે પણ ખમીસ પહેરી ઉભા ખેતર વચાળે .....
સાંજની ગોધૂલી વેળા ને પિયા મિલન ની આસ ,
કાથીના ખાટલે ચાકળો પાથરી,
ધીરે દીવાની વાટે જોવાતી એ રાહ ....