એક વાદળ કહેતું

એક વાદળ કહેતું હતું બીજા વાદળને
મારી સાથે ફરવા આવીશ ??
બીજા વાદળે નાં પડી એને ,
વાયદો હતો એનો પવનને
ફરવા જવાનું હતું ક્ષિતિજો સુધી ....
પહેલું વાદળ રિસાઈ ગયું
થોડું ખીજાઈ પણ ગયું ....
એને ગુસ્સા માં ધક્કો માર્યો પેલા વાદળ ને
જુઓ એમની વચ્ચે વીજળી ચમકી ...
એમની ટક્કર સાંભળી સૌએ
કહ્યું આ તો મેઘગર્જન થઇ .....
બીજા વાદળને વાગ્યું બહુ ,
તો ટપ ટપ આંસુ એ રડી પડ્યું ....
તો કહ્યું સૌએ અરે અરે અરે
આ તો વર્ષારાણીની પધરામણી થઇ ....