૧.થાકેલી આંખોથી રેલાઈ રહેલ કાજળનાં રંગને,
રાત પોતાની આંગળીથી લૂછી વધારે ઘેરી બની....
૨.પ્રેમની પરાકાષ્ઠાની એ પળ કઇંક આ હતી,
તમારાં નયનમાં મારાં સ્વપ્ન સૂતેલા દેખાયા....
૩.હાથની રેખાઓમાં તકદીર મારી શોધી રહ્યો'તો,
નજર ઉઠાવીને જોયું તો તમે સામે જ ઊભા હતા....
૪.ચૂડીનો તૂટેલો કાચ એક, નિશાની આખરી છે મારી પાસે,
પત્ર લખવાને તમને એ મારા લહુની સ્યાહી આપી જાય છે.....
૫.તને પ્રેમપત્ર લખવા બેઠી છું,
કાગળ તો કોરો જ રહી ગયો,
છતાંય સ્યાહી કેવી રીતે ખૂટી ગઈ?
જે લખી ન શકાયું એ તારી આંખોમાં વંચાય છે.....
આજનો સુવિચાર
મારા હાથમાં મારી આજ છે,
કાલની ભૂલ સુધારવાની તક અને આવતીકાલ સુધારવાની કેડી સમી....
No comments:
Post a Comment