Thursday, November 6, 2014

તારી બારી પર

ગોફણેથી ફંગોળાયેલો એક વિચાર
તારી બારી પર જઈને બેઠો છે  ...
તારું ઘર છે બસ તું નથી ,
તારા શબ્દોને તારો અવાજ નથી ,
તારા પગને તારી ગતિ નથી  ...
હસતી રમતી હરતી ફરતી
તું તસ્વીર બનીને ટીંગાઈ ગયી છે  ...
કાચ પર એક તિરાડ છે  ...
હા ..હા ....હા  ...
મેં જ ફંગોળી દીધી હતી જોરથી ઘા કરીને  ,
તું મારા જન્મદિવસે જતી રહી હતી  ,
મારા કહેવા પર પણ ઉપરવટ થઈને  ,
તું ગઈ ને તને મેં કાઢી મૂકી દિલમાંથી  ...
એ ભ્રમણામાં તસ્વીર તોડી નાખી મેં  ...
પણ એ ભ્રમ ભાંગી ગયો મારો  ,
રીસાયેલો હું તારાથી ના માન્યો તે ના માન્યો  ,
મારો ઘમંડ હતો ને અહંકાર કે અધિકાર ???
પણ તારી કંકોતરીએ ચૂર ચૂર હું  ...
બસ યાદોની ગલીઓમાં ભટક્યા કરું છું અહીં તહીં  ,
તારા પગલાને શોધતો  ,
ઓટલે જઈને બેસીને
તારી બારી પર યાદો તાકું  છું ગોફણે મુકીને  .....

No comments:

પૂરાલેખ / અર્કાઇવ

લિપ્યાંતરણ

આ બ્લૉગ ને તમારી પસન્દ ની લિપિ માં વાંચો

Roman(Eng) Gujarati Bangla Oriya Gurmukhi Telugu Tamil Kannada Malayalam Hindi
Via chitthajagat.in

ઉપયોગી કડીઓ