તારા ચેહરાને સાંભળ્યો

ચલ આજે તારા ચેહરાને સાંભળ્યો
બહુ ધ્યાનથી ....
એક મીઠી પીડા સંભળાય છે ...
મેં તારા સ્પર્શને સૂંઘ્યો ...
એમાં હલકી ધ્રુજારીની ખુશ્બુ છે ...
તારી ભીની ભીની ખુશ્બૂ દેખાતી હતી ,
જાણે સવારે  ગુલાબની પાંદડી પર અટકેલું
એક તાઝા ઝાકળનું ટીપું ....
બસ સપનાની જેમ સરકતી સરકતી ,
વાદળની ધારે ચાલતી ચાલતી તારા બોલને
ફોરાં સાથે ઘોળી ઘોળીને
મારી હથેળીમાં તું રચાતી રહી મહેંદી બની બની ...
બસ સૂરજ ને થોભાવી દીધો છે આજે
ક્ષિતિજે વાદળોની આડશે ....
આ સપનાને મનના કેમેરામાં કેદ કરવાને !!!!!