પ્રેમ બની જાય તો !!!!!

નવો રંગ નવી ઉમંગ
નવા તરંગ ,નવા સુર અને નવી સરગમ ....
એજ સૂરજ સવારે ઉગે
એજ સાંજે આથમે
પણ પલટાય છે એક પાનું ,
અને જિંદગી બદલાઈ જાય છે ....
એક વર્ષ ભૂતકાળ બની જાય છે ,
અને એક ભવિષ્ય વર્તમાનમાં પ્રવેશી જાય છે ....
આ સમયનો ખેલ જે
જે જિંદગીની શતરંજ પર રમ્યા કરવો ગમે છે સૌને ,
બસ યાદ તો એ દરેક પળ રહી જાય છે
જ્યાં આપણે શ્વસ્યા હતા ,જ્યાં આપણે હસ્યા હતા ......
કશું નથી બદલાતું ,
બસ એક વિચાર બદલાઈ જાય છે ...
અને એક પળે દુનિયા બદલાઈ જાય છે ...........
બસ જિંદગી કાલે હું તારા પ્રેમમાં હતી ,
આજે મારો પ્રેમ વધ્યો છે થોડો થોડો કરીને ,
અને કાલે મારા નામનો સમાનાર્થી જ પ્રેમ બની જાય તો !!!!!