કલમ પકડીને જ્યારે લખવું શરુ કર્યું હતું ત્યારનું એક સપનું પાળ્યું હતું એક પુસ્તક હોય મારું જેમાં હું મારા વિચારોની શૃંખલાને કલમબંદ કરીને કાગળ પર વહેતી કરું...
આ એકવીસમી સદી છે અને સમય સાથે કદમ દર કદમ મિલાવીને ચાલવું મને બહુ જ ગમે..
તેથી જ આ શબ્દસૂર એ મારા માટે બ્લોગ નથી પર સાઇટ પર લખાતું એક પુસ્તક છે . દિલ જે સાંભળે છે એ ધડકનને શબ્દ બધ્ધ કરીને અહીં કંડાર્યા છે. અને આ મજલ હવે ૯૯ પ્રકરણ સુધી પહોંચી ગઇ છે.
આ મારું સોમું પ્રકરણ છે.ક્રિકેટની ભાષામાં કહીએ તો સદી પૂરી કરી છે. મારા આ પૃષ્ઠ પર ક્યાંય પધારનાર મહેમાનોની સંખ્યાની કોલમ નથી. દુનિયાનાં કોઇ ખૂણે કોઇ વ્યક્તિ મારા વિચારોને વાંચે છે.જો એને ગમે તો એ ફરી વાર પધારે છે અને વાંચે છે. એ વ્યક્તિ માટે હું અજાણ છું અને મારા માટે એ આગંતુક અજાણ છે. પણ આ શબ્દસૂરની કડી બે વ્યક્તિને જોડે છે. બસ આ આનંદ જ મારા માટે પારિતોષિક સમાન છે.
આજ સુધી મારી અભિવ્યક્તિને વાંચનાર દરેક વાચકનો અંત:કરણ પૂર્વક આભાર માનું છું અને ભવિષ્યમાં પણ આપનો સાથ સહકાર અને પ્રેરણા ની ઝંખનાસહ હું પ્રીતિ ટેલર......
No comments:
Post a Comment