સ્પર્શને વાચા ફૂટે છે,...

આયનો શોધે છે એક ચેહરો,
ચેહરો શોધે છે એક સ્મિત,
સ્મિત શોધે છે એક કારણ,
એ કારણ મને તારામાં દેખાય છે......

તું જ્યારે આવે છે
હવાની રંગત બદલાઇ જાય છે...
હવામાં એક રંગ રેલાતો દેખાય છે...
અને ફૂલોમાં સુગંધ સંભળાય છે....

સ્પર્શને વાચા ફૂટે છે,
આંખોથી તારું સ્મિત સંભળાય છે,
તું હજીય આવી પણ નથી,
અને આ આયનામાં તારો જ ચહેરો દેખાય છે.....

આમ જ સામસામે બેસીએ,
મૌનની ભાષા ઉકેલીએ,
આંખોની ભાષાને સાંભળીયે,
સ્વપ્નોની માળા પરોવતા પાછા જુદા પડીએ....

એક વાયદો કરીને,
કાલે ફરી પાછા મળવાનો.......

પ્રેરણા પીયૂષ...
મારી પ્રગતિના સાચા રાહબર મારા આલોચકો જ રહ્યા છે....