અજાણી ગલીમાં ,

અજાણ્યા શહેરની અજાણી ગલીમાં ,

એક જાણીતી સુગંધ અનુભવાઈ  ,

શોર બકોર પણ હતો ત્યાં પણ  ,

તો એક અવાજમાં પરિચિતતા ડોકાઈ  ....

હું તો શહેર થી અજાણ હતો  ,

પણ પગથારે પરિચિતતા સ્પર્શાઈ  ...

કોઈક તો છે જે મને ઓળખે છે અહીં  ,

કોઈક તો છે જેને મારી વાટ છે અહીં  ,

કોઈ હૃદય ધબકે છે મારા માટે અહીં પણ  ,

કોઈકના શ્વાસ અહી ચાલે છે ફક્ત મારે કાજે  ...

ભૂલી ગયો હતો ભવાટવીમાં બધું  ,

લીસી ચાંદીની સડક લોભાવી ગયી હતી  ,

બેલેન્સ બધી બેન્કોમાં તગડું કર્યું હતું  ,

પણ તોય ભુલાઈ કેમ ગયું એતો પરદેશ હતું ????
આજે ભૂલથી ઊંચકાઈ ગયેલા ફોન પર 

સામે કોઈનો સંદેશ હતો 

આવી જાવ જલ્દી એક ઘરડીમાંની આંખડીમાં

 તારી પ્રતીક્ષાનો વાસ હતો  ...

હવે જાણીતા ગામમાં બધું અજાણ્યું થઇ ગયું લાગ્યું  ,

ત્યારે દોડીને ભેટી પડેલી માવડીના ખોળામાં શાંતિનું રાજ્ય હતું  .....