એકલા પડી જાય છે .....

મનની  ચંચળતા બહુ અટપટી છે ,

લાગે છે ચાલવામાં સરળ પણ 

ત્યાં તો આંટીઘૂંટી છે ....

એક કદમ આગળ ચાલતું ક્યારેક 

તો બે કદમ પાછળ હટે એ ચાલતા ચાલતા ....

તેને તો એ જોવું છે જે આંખ દેખાડતી નથી ,

તેને તો એ કરવું છે જે કોઈએ કર્યું નથી ,

એ ચાહે છે એનો સાથ 

જેને તેના સાથની કોઈ જરૂર નથી ....

જેની સાથે ચાલે છે એ 

એ તેના વગર અધૂરા છે ....

બધું જાણે છે છતાય અજાણ બની જાય છે ,

શાંત સમુદ્ર દેખાય ક્યાંક તો 

એ મધ દરિયે તોફાન બની જાય છે ,

સુઈ જાઉં હું તો એ સુવા ઇનકાર કરી બેસે છે ,

મીંચીને પડી રહું છું આંખો જયારે 

ત્યારે સપનું બનીને સતાવે છે ....

એના જોએલા સપના નિદ્રા સાથે ચાલ્યા જાય છે ,

અને પછી એક હું ને એક મન 

બેઉ  એકલા પડી જાય છે .....